„მთელმა თბილისმა იხილა პოლიტიკოსების ე.წ. პაკაზი", - ამის შესახებ თბილისის მერის მოადგილე ირაკლი ლექვინაძემ ე.წ. ელიავას ბაზრობაზე გაჩენილ ხანძარზე საუბრისას განაცხადა.

„თქვენც, ჩვენც და მთელმა თბილისმა იხილა პოლიტიკოსების ე.წ. პაკაზი. ამ ხანძრის ტერიტორიაზე მეხანძრეებზე მეტად ოპონენტი პოლიტიკური ძალების წარმომადგენლები იყვნენ. ისტერიკის ფონზე მიდიოდა ეს ყველაფერი. მსგავს შემთხვევებში არ არის აუცილებელი ისტერიკებისა და შოუების მოწყობა. არა მგონია, მსგავს სიტუაციებში მათ ქულები დაიწერონ", - განაცხადა ირაკლი ლექვინაძემ „საზოგადოებრივი მაუწყებლის" გადაცემა "მთავარში"  სტუმრობისას.