შსს-ს განცხადებით, აღმაშენებლის გამზირზე შენობის ფასადის ჩამონგრევის ფაქტზე გამოძიება დაიწყო. გამოძიება სისხლის სამართლის კოდექსის 240-ე მუხლის პირველი ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ჯანმრთელობის ნაკლებად მძიმე ან მძიმე დაზიანება გამოიწვია.

​თბილისში, აღმაშენებლის გამზირზე, ჯანსუღ კახიძის სახელობის მუსიკალური ცენტრის შენობის ფასადის ჩამონგრევის შედეგად დაშავებულ ახალგაზრდა გოგონას ალადაშვილის კლინიკაში გამოკვლევები უტარდება.