პარლამენტის ვიცე-სპიკერი თამარ ჩუგოშვილი საქართველოს ყოფილი პრეზიდენტის მიხეილ სააკაშვილის ინტერვიუს, რომელიც ტელეკომპანია „რუსთავი 2"-ის გადაცემა „არჩევანში" გავიდა, სოციალურ ქსელში ეხმაურება:

„ე.ი. მიშაზე დიდად კომენტარები არ ღირს, მაგრამ რადგან თავს გვახსენებს მაინც დავწერ. პასეს ბოლო სესიაზე უკრაინის დელეგაციის ხელმძღვანელიდან დაწყებული, სხვა წევრებით გაგრძელებული, ყველა გვეხვეწებოდა ამ კაცს საქართველოს მოქალაქეობა დაუბრუნეთ და მოგვაშორეთ აქედანო, შეგვიძლია ოფიციალურ თხოვნად ჩავთვალოთ. მოკლედ, უკვე მეორე ქვეყანა ცდილობს როგორმე თავიდან მოიშოროს", - წერს ჩუგოშვილი.