საქართველო კათოლიკოს-პატრიარქმა, უწმინდესმა და უნეტარესმა, ილია მეორემ სამების საკათედრო ტაძარში საკვირაო ქადაგებისას მრევლს მიმართა და ბრძანა, რომ ებრაულ ენაზე „ემანუელი" ნიშნავს „ჩვენთან არს ღმერთი.

„მრავალმა ჩვენგანმა არ იცის, საიდან წარმოიშვა „ჩვენთან არს ღმერთი". ეს ბიბლიაში წერია და ებრაულად არის „ემანუელი". ემანუელი ნიშნავს: ჩვენთან არს ღმერთი. არ მეგულება არც ერთი ქვეყანა და არც ერთი ერი, რომ ასე მიმართავდეს ერთმანეთს. ამიტომ ეს მისალმება: ემანუელი, ჩვენთან არს ღმერთი, ჩვენ უნდა შევინარჩუნოთ", - ბრძანა პატრიარქმა.