რაგბი ევროპის შვიდკაცის გრანპრის ექსეტერის ეტაპზე საქართველოს შვიდკაცა ნაკრებმა მე-5 ადგილი დაიკავა.

ქართველმა მოშვიდკაცეებმა მეორე სათამაშო დღეს მეოთხედფინალური შეხვედრა რუსეთთან 19:12 დათმეს.

მეორე შეხვედრაში ქართველმა მორაგბეებმა ესპანეთის ძლიერ ნაკრებს 19-5 სძლიეს და მეხუთე ადგილისათვის ფინალის საგზური გაინაღდეს.

„ბორჯღალოსნები" ფინალში მასპინძელს - ინგლისს დაუპირისპირდნენ, რომელიც მიუხედავად გადახალისებული შემადგენლობისა, ტურნირის ერთ-ერთ ფავორიტად მოიაზრებოდა.

ქართველებმა პირველი ტაიმი 12:5 მოიგეს, თუმცა გარდასახული ლელო მეორე ტაიმის პირველივე წუთებზე მიიღეს.

შეხვედრის ბოლო წუთამდე ანგარიში არ შეცვლილა.

გამარჯვების ლელო კი საქართველომ ბოლო წამებზე დადო - საბოლოო ანგარიში 17:12.