უკრაინის ახალი პრემიერ-მინისტრი უკრაინის უმაღლესი რადას თავმჯდომარე ვლადიმირ გროისმანი გახდება. ამის შესახებ „ინტერპრესნიუსი"  „პეტრო პოროშენკოს ბლოკის" წევრის ვადიმ დენისენკოს განცხადებაზე დაყრდნობით წერს.

„99,95-ით დარწმუნებული ვარ, რომ უკრაინის ახალი პრემიერ-მინისტრი გროისმანი იქნება", - აღნიშნა დენისენკომ უკრაინული ტელეკომპანია „ესპრესოტვ"-ის ეთერში.

ის ირწმუნება, რომ „პეტრო პოროშენკოს ბლოკი" არსენი იაცენიუკის გადადგომას მხარს დაუჭერს.

დღეს, უკრაინის პრემიერ-მინისტრმა არსენი იაცენიუკმა თანამდებობიდან გადადგომის შესახებ განაცხადა.