კრიმინალური ინდექსის მიხედვით, 117 ქვეყანას შორის საქართველო ყველაზე უსაფრთხო ქვეყნების ექვსეულშია.

კრიმინალურ ინდექსის 2016 წლის მონაცემების მიხედვით, 117 ქვეყანას შორის საქართველო 112-ე ადგილზეა.

საქართველოს უსაფრთხოების თვალსაზრისით მხოლოდ ტაივანი, ჰონგ კონგი, იაპონია, სინგაპური და სამხრეთ კორეა უსწრებენ.

კრიმინალური ინდექსის მიხედვით, საქართველოში უსაფრთხოების ინდექსი 77.84%-ზეა, ხოლო კრიმინალის - 22.16%-ზე.

ჩვენი მეზობელი ქვეყნებიდან, უკრაინა 43-ე ადგილზეა, თურქეთი 71-ეზე, რუსეთი 50-ეზე, აზერბაიჯანი 87-ეზე, ხოლო სომხეთი 93-ეზე.

კრიმინალური ინდექსის მონაცემებით, ყველაზე საფრთხის შემცველ ქვეყანათა ხუთეულში ვენესუელა, სამხრეთ სუდანი, სამხრეთ აფრიკა, პაპუა ახალი გვინეა და ჰონდურასი არიან.

ამ მონაცემების მიხედვით, ამერიკის შეერთებული შტატები 42-ე ადგილზეა, დიდი ბრიტანეთი 62-ე, შვეიცარია 105-ეა, ხოლო საფრანგეთი კი - 59-ე.

წყარო :