საფრანგეთის პრემიერი მანუელ ვალსი ალჟირში ვიზიტისას ბელგიელი სამართალდამცველების მიერ გავრცელებულ ცნობას გამოეხმაურა, რომლის მიხედვითაც, ტერორისტთა ის ჯგუფი, რომელმაც ბრიუსელის აეროპორტში აფეთქება მოაწყო, თავდასხმას პარიზშიც გეგმავდა.

„მთელი ევროპა და განსაკუთრებით საფრანგეთი, თავდასხმების საფრთხის წინაშე დგას",- განაცხადა მანუელ ვალსმა.

13 აღკვეთილი ტერორისტული აქტის შესახებ საფრანგეთის შინაგან საქმეთა მინისტრმა ბერნარ კაზნევმა ისაუბრა. მისი თქმით, 2016 წლის დასაწყისიდან ქვეყნის მასშტაბით, ტერორიზმში ეჭვმიტანილი 80 ადამიანი დააკავეს.

„ტერორისტთა ქსელების ლიკვიდაცია არ ნიშნავს, რომ საფრთხეც ლიკვიდირებულია",- განაცხადა კაზნევმა.