ზუგდიდის რეფერალურ საავადმყოფოში გუშინ გადაყვანილი ექვსი პაციენტიდან ხუთი გაწერეს, ერთი კი, ექიმების მეთვალყურეობის ქვეშ რჩება. მის სიცოცხლეს საფრთხე არ ემუქრება.

საავადმყოფოს ადმინისტრაციის ინფორმაციით, ჰოსპიტალიდან ასევე გაეწერა „Gem Fest"-ის მონაწილე 29 წლის მამაკაცი, რომელიც რეანიმაციაში გუშინ გამთენიისას მოხვდა.

შეგახსენებთ, რომ დაუზუსტებელი სუბსტანციის და ნივთიერების ტოქსიური ეფექტის დიაგნოზით 2 დღის განმავლობაში 15 პაციენტი მოათავსეს. გუშინ ზუგდიდის საავადმყოფოში ამავე დიაგნოზით გადაყვანილი 22 წლის გოგონას გადარჩენა ვერ მოხერხდა.