ლაგოდეხის ორ სოფელში ხანძარი მძვინვარებს.

როგორც „კვირას" ლაგოდეხის მუნიციპალიტეტის საკრებულოს თავმჯდომარემ გოდერძი ბარბაქაძემ განუცხადა, ხანძარი ცოდნისკარის თემის ორი სოფლის - თელასა და წიფლისწყაროს ტერიტორიაზეა მოდებული.

მისი თქმით, ხანძარი საკმაოდ მასშტაბურია, ცეცხლი ბუჩქნარს უკიდია. მის ჩაქრობას, ლაგოდეხის მუნიციპალიტეტის სამაშველო-სახანძრო სამსახურთან ერთად, კახეთის სხვა რეგიონების სახანძრო-სამაშველო სამსახურებიც ცდილობენ.

ტერიტორიაზე მძიმე ტექნიკაც შეჰყავთ.

ადგილზე ჩავიდა კახეთის გუბერნატორი ირაკლი ქადაგიშვილი.

საკრებულოს თავმჯდომარე არ გამორიცხავს, რომ ხანძრის ლოკალიზების სამუშაოებში თბილისის სახანძრო სამსახურების ჩართვაც გახდეს საჭირო.

წყარო :