საქართველოს პარლამენტის წევრი, „კონსერვატორთა" ლიდერი ზვიად ძიძიგური კიდევ ერთხელ აცხადებს, რომ მისი ფრაქცია უმრავლესობის შემადგენლობას არ დატოვებს. როგორც ძიძიგურმა აღნიშნულ საკითხზე საუბრისას განაცხადა, ქვეყნის სტაბილურობა უმნიშვნელოვანესი მონაპოვარია და ეს უნდა შენარჩუნდეს.

„ჩვენ უმრავლესობიდან გასვლას არ ვაპირებთ. აქედან გამომდინარე, არც უარს ვამბობთ იმ რეფორმებში მონაწილეობაზე, რომელშიც უკვე მივიღეთ მონაწილეობა და რომელიც კიდევ წინ გვაქვს ყველას", - განაცხადა ძიძიგურმა.