სერბეთის თავდაცვის მინისტრმა ალექსანდრ ვულინმა განაცხადა, რომ სერბეთი არ აპირებს NATO-ში გაწევრიანებას და სხვა ქვეყნებსაც, სერბეთის ნეიტრალიტეტის სტატუსის პატივისცემას სთხოვს.

„ჩვენ, რა თქმა უნდა, გვაქვს ურთიერთობა NATO-სთან, მაგრამ ეს მხოლოდ პარტნიორული კონტაქტია. ჩვენ ვინარჩუნებთ ნეიტრალიტეტს და NATO-ს წევრობა არ გვსურს. სანამ ჩვენი პრეზიდენტი და მთავარსარდალი ალექსანდრ ვუჩიჩია და მე - მინისტრი, სერბეთი NATO-ში არ შევა", - განაცხადა ვულინმა.