12-წლიანი პაუზის შემდეგ გარი კასპაროვი ჭადრაკს დაუბრუნდა. ცნობილი მოჭადრაკე სენტ-ლუისის ტურნირში მონაწილეობს.

კასპაროვმა პირველ დღეს ჩატარებული სამი პარტიიდან სამივე ყაიმით დაასრულა - რუს სერგეი კარიაკინთან, ამერიკელ ჰიკარუ ნაკამურასთან და კუბელ ლენიერ დომინგესთან.

ტურნირი, რომლის საპრიზო ფონდიც 300 ათასი დოლარია, 12 აგვისტოს დასრულდება.

გარი კასპაროვი ისტორიაში ერთ-ერთი ყველაზე ძლიერი მოთამაშეა. ის მეცამეტე მსოფლიო ჩემპიონია ჭადრაკში და ამ ტიტულის შენარჩუნება მან 1985 წლიდან 1993 წლამდე შეძლო. ჭადრაკის კარიერის დასრულების შესახებ კასპაროვმა 2005 წელს განაცხადა.

წყარო :