სამხრეთ კორეის პრეზიდენტის მუნ ჩჟე ინის განცხადებით, კორეის ნახევარკუნძულზე ომი აღარასდროს იქნება.

„მე ამას სრული დარწმუნებით ვამბობ - კორეის ნახევარკუნძულზე ომი აღარასდროს იქნება. ამერიკის შეერთებული შტატები და პრეზიდენტი დონალდ ტრამპი თანახმა არიან, სამხრეთ კორეასთან ერთად მოქმედების ვარიანტები განიხილონ.

ვაშინგტონის მხრიდან სამხედრო ძალის გამოყენების მუქარა არ ნიშნავს, რომ ეს დაუყოვნებლივ განხორციელდება.

ჩრდილოეთ კორეა უკვე მიუახლოვდა ამ წითელ ხაზს, თუმცა ფხენიანთან დიალოგი შესაძლებელია მხოლოდ გარკვეულ პირობებზე", - განაცხადა მუნ ჩჟე ინმა.