პრემიერ-მინისტრის დავალებით, ატენის ხეობაში მძიმე ტექნიკა და ცოცხალი ძალა გაიგზავნა. ამის შესახებ ინფორმაციას პირველ არხს საგანგებო შტაბი აწვდის.

ამ დროისათვის, ​შტაბის წევრები მუდმივ რეჟიმში ღებულობენ ინფორმაციას ატენის ხეობაში გაჩენილი ხანძრის შესახებ.

ატენის ხეობაში, ზემო ბოშურში ხანძარი 2 ჰექტარ ტერიტორიაზე გავრცელდა. ამის შესახებ ინფორმაციას პირველ არხს საგანგებო სიტუაციების მართვის სააგენტოში უდასტურებენ.

​ბოშურში გორის გამგებლის წარმომადგენლის კახა თინიკაშვილის ინფორმაციით, ადგილზე მაშველები უკვე მუშაობენ. მისივე თქმით, საცხოვრებელი ტერიტორიებიდან ხალხი უკვე გაყვანილია.

"ხანძარიდან საცხოვრებელი ტერიტორია 1 კმ-ის დაშორებით მდებარეობს, თუმცა ხალხის ნაწილი, უსაფრთხოების ნორმებიდან გამომდინარე, მაინც გავიყვანეთ, ", - აცხადებს პირველ არხთან კახა თინიკაშვილი.

​ჯერჯერობით უცნობია, რა გახდა ხანძრის გამოწვევის მიზეზი.