გარემოს დაცვის სამინისტროს ინფორმაციით, ფშავ-ხევსურეთის ეროვნული პარკის ტერიტორიაზე, ანდაქის ხეობაში ხანძარი გაჩნდა. ფშავ-ხევსურეთის ეროვნული პარკის რეინჯერები  ამ დრომდე ებრძვიან ხანძარს. სამაშველო სამუშაოებში თბილისის, ალგეთისა და ყაზბეგის ეროვნული პარკის რეინჯერებიც ჩაერთნენ.

ტერიტორია ძნელად მისადგომია, ადგილიდან არ მყარდება სატელეფონო კავშირი და, შესაბამისად, ხანძრის მასშტაბების შესახებ ზუსტი ინფორმაცია ამ დროისთვის უცნობია.