გერმანიის კანცლერის ანგელა მერკელის განცხადებით,  გერმანია დაინტერესებულია თურქეთთან კარგი ურთიერთობებით, მაგრამ რეალობა აიძულებთ, მკაცრი პოლიტიკა გაატარონ.

„მე თურქეთთან კარგი ურთიერთობები მსურს, მაგრამ რეალობას სახეში უნდა შევხედოთ", - განაცხადა მერკელმა.

ანგელა მერკელმა თურქეთში ადამიანის უფლებების დაცვის კუთხით არსებულ ვითარებაზე და გერმანიის მოქალაქეების დაკავებაზე ისაუბრა.

„ზუსტად ამიტომ გადავწყვიტეთ, თურქეთთან მიმართებაში ჩვენი პოლიტიკის განახლება მოგვეხდინა", - განაცხადა ანგელა მერკელმა.