აშშ-ის პრეზიდენტი დონალდ ტრამპი ჩრდილოეთ კორეის მიერ რაკეტის მორიგ გაშვებას ეხმაურება. მისი თქმით,ჩრდილოეთ კორეასთან მიმართებაში ყველა ვარიანტის გამოყენებაა შესაძლებელი.

„ჩვენ ნათლად და ცხადად მივიღეთ ჩრდილოეთ კორეის ბოლო მესიჯი. ჩრდილოეთ კორეის რეჟიმი მეზობლების, გაერო-ს წევრების მიმართ უპატივცემლობას ამჟღავნებს. დესტაბილიზაციის გამომწვევი ქმედებები მხოლოდ ზრდიან ჩრდილოეთ კორეის რეჟიმის იზოლირებას. ჩრდილოეთ კორეასთან მიმართებაში ყველა ვარიანტის გამოყენება შესაძლებელია", - განაცხადა დონალდ ტრამპმა.