საგანგებო სიტუაციების მართვის სააგენტოს ცნობით, ლიკანში მდგომარეობის გართულება მოსალოდნელი არ არის. ხანძარი ბალახის საფარიდან ხეებზე არ გავრცელებულა. ამ დროისთვის ადგილზე ცეცხლის ღია კერები აღარ არის, ტყეში მხოლოდ დაკვამლიანება შეინიშნება. ცეცხლი ლიკანის ტყეში ტორფს წაეკიდა.

„ადგილზე 50 მეხანძრე-მაშველი რჩება, რომლებიც მიმდინარე პროცესს დააკვირდებიან და ხანძრის ღია კერის აღმოჩენის შემთხვევაში, ცეცხლს ჩააქრობენ", - აცხადებენ საგანგებო სიტუაციების მართვის სააგენტოში.