თეთრი სახლის პრესმდივნის სარა სანდერსის განცხადებით, აშშ-ის პრეზიდენტმა დონალდ ტრამპმა ნათლად გააგებინა საერთაშორისო საზოგადოებას, რომ ჩრდილოეთ კორეის კრიზისის დარეგულირებასთან დაკავშირებით სამხედრო ვარიანტს არ გამორიცხავს.

„პრეზიდენტმა ნათლად გააგებინა საერთაშორისო საზოგადოებას, რომ სამხედრო გადაწყვეტილება შესაძლებელია. ვფიქრობ, ამგვარი ვარიანტის განხილვისას ის დაეყრდნობოდა ისეთ ხალხს, როგორიც არის პენტაგონის ხელმძღვანელი ჯეიმს მეტისი. აშშ სერიოზულ ნაბიჯებს დგამს ჩრდილოეთ კორეის საკითხზე და დონალდ ტრამპი ქმედებების სხვადასხვა ვარიანტებს განიხილავს", - აღნიშნა თეთრი სახლის პრესმდივანმა.