ხულოში, სოფელ მეხეიძეებთან ტყეში ხანძარია. ხულოს მუნიციპალიტეტის გამგებლის წარმომადგენლის, თემურ ირემაძის ინფორმაციით, ცეცხლი მთა შავნაბადაზე ნაძვის ხეებს მოედო. მისივე ინფორმაციით, სახანძრო-სამაშველო ბრიგადები უკვე გამოიძახეს და ხანძრის ჩასაქრობად სოფლიდან მოსახლეობა მთაზე მიემართება.

„ხანძრის შესახებ ინფორმაცია იმ ადამიანებმა გვაცნობეს, რომლებიც მთაში იმყოფებოდნენ. მათ ხანძრის სამი კერა შენიშნეს. გამოვიძახეთ სახანძრო-სამაშველო სამსახური და როგორც გვაცნობეს, გზაშია. ხანძარი სოფელ მეკეიძეებიდან 25 კილომეტრით დაშორებულ ტყეში გაჩნდა. ჩემი ინფორმაციით ხანძრის კერამდე 4-5 კილომეტრში საავტომობილო გზა არ არის",- ამბობს თემურ ირემაძე.

ხანძრის ჩასაქრობად მეხანძრეები ბათუმიდანაც წავიდნენ.