შინაგან საქმეთა მინისტრმა გიორგი მღებრიშვილმა კახეთში, საგანგებო შტაბში ჟურნალისტებთან საუბრისას განაცხადა, რომ ბორჯომის ხეობაში ცეცხლი ნახანძრალ ტერიტორიაზე იყო, თუმცა სახანძრო სამსახურმა ოპერატიულად იმუშავა.

„ბორჯომი-წაღვერის მიმართულებით მეშვიდე კილომეტრზე ნამდვილად გაჩნდა ხანძარი. ეს არის ნახანძრალი ტერიტორია და დღეს იქ ღია ცეცხლი შეინიშნებოდა. მიუხედავად ამისა, ამ ეტაპზე ლოკალიზება გვაქვს. სახანძრო სამსახურმა ოპერატიულად იმუშავა", - განაცხადა მღებრიშვილმა.