„BBC"-ის ცნობით, ქარიშხალმა „ირმამ" კარიბის კუნძულებს მნიშვნელოვანი ზარალი მიაყენა.

საფრანგეთის შინაგან საქმეთა მინისტრის განცხადებით, კუნძულ სენ-მარტენზე (საფრანგეთის სამფლობელო) ოთხი „ყველაზე მყარი" შენობა განადგურებულია, ასევე დატბორილია კუნძულის მნიშვნელოვანი ნაწილი.

ჯერჯერობით დაშავებულთა და გარდაცვლილთა შესახებ ინფორმაცია არ გავრცელებულა.

ქარიშხალ „ირმას" გამო, დაახლოებით 5 ათასამდე სამხედრო მოსამსახურისა და მათი ოჯახის წევრების ევაკუაციას განახორციელებენ ფლორიდის სამხრეთით საზღვაო ავიაციის ბაზიდან.