საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ლენტეხი-ბავარის საავტომობილო გზის კმ12-კმ18 მონაკვეთზე  დასაშვებია მხოლოდ მაღალი გამავლობის ავტოტრანსპორტის მოძრაობა, ხოლო დანარჩენი სახის ავტოტრანსპორტის  მოძრაობა აკრძალულია. ამავე გზის კმ1-კმ11 და კმ19-კმ24 მონაკვეთებზე ავტოტრანსპორტის მოძრაობა თავისუფალია.

შეგახსენებთ, რომ ძლიერი წვიმების შედეგად, შიდასახელმწიფოებრივი მნიშვნელობის ლენტეხი-ბავარის საავტომობილო გზის კმ12-ე და კმ18-ე  მონაკვეთებზე არსებულ სახიდე გადასასვლელებს გამოერეცხათ მისასვლელი გზა, რის გამოც აღნიშნულ მონაკვეთზე იკრძალებოდა ყველა სახის ავტოტრანსპორტის მოძრაობა.