„თავი რომ დავანებოთ სვეტიცხოველს, გელათს, „ვეფხისტყაოსანს", ჩემზე მეტი ვინ შექმნა?" - ამის შესახებ ოდესის გუბერნატორმა მიხეილ სააკაშვილმა მისი საქართველოს ხელისუფლებაში ყოფნის პერიოდზე საუბრისას, „რუსთავი-2"-ის პირდაპირ ეთერში ჩართვისას განაცხადა.

„მინდა, მივმართო საქართველოს ხალხს, ძალიან მარტივია, რასთან არის ასოცირებული „ნაციონალური მოძრაობა"... როდისმე საქართველოს ისტორიაში, რომელიმე ეპოქაში, თავი რომ დავანებოთ სვეტიცხოველს, გელათს, „ვეფხისტყაოსანს", ხახულის ხატს და ასე შემდეგ, რომელიმე ცალკე აღებულ პერიოდში, საქართველოს ათასწლოვანი ისტორიის განმავლობაში, ყოფილა თუ არა მეტი შექმნილი, რითაც ვამაყობთ, რასაც ვაჩვენებთ მთელ მსოფლიოს და რითიც აღტაცებულია მთელი მსოფლიო?! ხომ ვიცით, რომ ასეა.

ეს მე გავაკეთე და გააკეთა „ნაციონალურმა მოძრაობამ!", - აცხადებს მიხეილ სააკაშვილი.