NATO-ს გენერალურმა მდივანმა იენს სტოლტენბერგმა გაზეთ „The Guardian"-თან ინტერვიუში განაცხადა, რომ დღევანდელ მსოფლიოში ძალიან ბევრი წინააღმდეგობებია.

„დღეს მსოფლიოში, ბოლო 30 წლის განმავლობაში ყველაზე საშიშ ნიშნულს მივუახლოვდით", - განაცხადა სტოლტენბერგმა.

სტოლტენბერგმა განსაკუთრებით გამოყო დაძაბული სიტუაცია კორეის ნახევარკუნძულზე, ტერორისტული დაჯგუფება „ისლამური სახელმწიფო" და რუსეთის მიერ „მიზანმიმართული დაპყრობითი ძალები".

„გაერო-ში ჩრდილოეთ კორეაზე სანქციები უკვე შეთანხმებულია და მნიშვნელოვანია, რომ მათი იმპლემენტაცია მოხდეს", - განაცხადა იენს სტოლტენბერგმა.