შუახევში, შუბნის თემის ადმინისტრაციული ერთეულის სოფელ დარჩიძეების საყარაულოს ტყეში ხანძარია,- ამის შესახებ პირველ არხს შუახევის მუნიციპალიტეტის გამგეობიდან აცნობეს.

მათივე ინფორმაციით, ამ წუთებში ხანძრის კერისკენ ადგილობრივი თვითმმართველობის წარმომადგენლები, სახანძრო-სამაშველო ბრიგადები და სატყეო სააგენტოს თანამშრომლები მიემართებიან.

მობილიზებულია ადგილობრივი მოსახლეობაც.

როგორც შუახევის მუნიციპალიტეტის გამგეობაში ამბობენ, რამდენად მასშტაბურია ხანძარი, ჯერ უცნობია. ხანძარი სოფელ დარჩიძეებთან 6 კილომეტრშია.

მოსახლეობას ამ დროისათვის საფრთხე არ ემუქრება.