თუშეთში, ხახაბოს ტყეში ხანძრის ლოკალიზებას მეხანძრეები ამ დრომდე ცდილობენ.

ადგილზე 50-ზე მეტი მეხანძრე-მაშველი, მეტყევე და რეინჯერი მუშაობს, ასევე მობილიზებულია მძიმე ტექნიკა.

საგანგებო სიტუაციების მართვის სააგენტოს პრესსამსახურის ინფორმაციით, სტიქიის ზონაში სუსტი ქარია, თუმცა ახალი კერები არ დაფიქსირებულა.

ადგილზე ხანძრის ჩაქრობის სამუშაოები მთელი ღამის განმავლობაში მიმდინარეობდა.