ხელვაჩაურში, ავტოსაგზაო შემთხვევის შედეგად ერთი ადამიანი ადგილზე დაიღუპა და ორი დაშავდა.

დაშავებულები კლინიკა „მედინაში" გადაიყვანეს. მათი მდგომარეობა სტაბილურად მძიმეა. არსებული ინფორმაციით,  მსუბუქი ავტომობილი ხელვაჩაურის ცენტრალურ საავტომობილო გზაზე გადაადგილებისას ბოძს შეეჯახა.

მომხდარზე გამოძიება 276-ე მუხლის მეხუთე ნაწილით დაიწყო, რაც მოძრაობის უსაფრთხოების წესების დარღვევას გულისხმობს, რამაც გარდაცვალება გამოიწვია.