გორში, გორიჯვრის ფერდობზე ძლიერი ხანძარია. როგორც „ინტერპრესნიუსს" საგანგებო სიტუაციების მართვის სააგენტოში განუცხადეს, ფერდობზე იწვის ბუჩქები და ბალახი, სიტუაციას კი ძლიერი ქარი ართულებს.

სააგენტოში ჯერჯერობით ვერ აკონკრეტებენ, რამდენ კვადრატულ მეტრ ფართობზეა ცეცხლი გავრცელებული.

ადგილზე მობილიზებულია, რამდენიმე ერთეული სახანძრო სამაშველო ბრიგადა და ხდება დამატებითი ეკიპაჟების გამოძახება.

როგორც სააგენტოში აცხადებენ, მიუხედავად რთული რელიეფური მდგომარეობისა, სამაშველო ბრიგადები ტექნიკით მუშაობას ახერხებენ. მათივე ინფორმაციით, ამ ეტაპზე ცეცხლის დასახლებულ პუნქტებამდე მიღწევის საშიშროება არ არსებობს.

წყარო :