კოკა ყანდიაშვილი საზოგადოებას ქართული ენის დღეს ულოცავს:

„გილოცავთ - 14 აპრილი ქართული ენის დღეა!!!

„ენა არ გაწყენს არც ერთი, უნდა იცოდე რამდენიც,

 ოღონდ არ უნდა დაჰკარგო ქართული სიტყვის ნათელი!

განა იმისთვის იბრძოდნენ წარსულში მამა-პაპანი

დღეს შვილმა აღარ იცოდეს სისხლით დაცული ანბანი?!"

მუხრან მაჭავარიანი

...

აღჩნდნენ მწერლები,

ჟურნალისტები,

ვაი საბრალოს... ვაი ჩვენს ენას!..

მათ უსწავლელთა,

ცრუ რუსთაველთა,

სრულ წაგვიბილწეს ენა მდიდარი,

ენა მაღალი,

მის ძალი, მადლი,

უწყალოდ წახდა უწმინდურთ ხელში!..

ერის ცხოვრება,

მისი დიდება,

მის ისტორია დაცულ არს ენით;

რა ენა წახდეს,

ერიც დაეცეს...

წაეცხოს ჩირქი ტაძარსა წმინდას!..

გრიგოლ ორბელიანი

...

 „შენ სიძველით გმოსავს ძველი ხავსი,

ქვაზე ჭრილი ხარ ჩუქურთმის მსგავსი,

დიდი გზნებით ასე იყავ სავსე..."