ადიგენის რაიონში, დერცელის მთაზე ხანძარია. ადგილობრივებმა დაკვამლიანება საღამოს შენიშნეს.  ამის შესახებ ინფორმაციას პირველი არხი ავრცელებს.  ხანძრის კერა დასახლებული პუნქტიდან დაახლოებით 8-10 კილომეტრშია.

შინაგან საქმეთა სამინისტროს საგანგებო სიტუაციების მართვის სააგენტოში განაცხადეს, რომ ადგილზე რამდენიმე სახანძრო ჯგუფია გასული და დამატებითი ინფორმაცია სპეციალისტების ხანძრის კერასთან მისვლის შემდეგ გახდება ცნობილი.