Huuriet-ი იუწყება, რომ სტამბოლის მერმა, კადირ ტოპბაშმა გადადგომის შესახებ განაცხადა. ის სტამბოლის მერის თანამდებობას უკანასკნელი 13 წლის განმავლობაში იკავებდა.

„მე თანამდებობიდან მივდივარ, მაგრამ ვრჩები პარტიასთან ერთად", - აცხადებს ტოპბაში.

ივნისში სტამბოლის პროკურატურამ მრეწველებისა და მეწარმეების კონფედერაციის 86 წევრს ოპოზიციონერი მქადაგებლის, ფეთჰულა გიულენის ორგანიზაციასთან კავშირში დასდო ბრალი. მათ შორის იყო ტოპბაშის სიძეც, ფარუკ კავურმაჯი.