„უფლებადამცველთა გაერთიანების" თავმჯდომარე ნიკოლოზ მჟავანაძე სოციალურ ქსელში შემდეგი სახის პოსტს აქვეყნებს:

„ეს პოსტი განკუთვნილია ქართული მედიის წარმომადგენლებისთვის. არ შეიძლება ორმაგი სტანდარტი გქონდეს ადამიანის უმსგავსო საქციელის მიმართ. თუკი თათია დოლიძის შეურაცყოფაზე გქონდათ რეაქცია, ჟურნალისტად წოდებულ ელისო კილაძის მიმართაც უნდა გქონდეთ ადექვატური რეაქცია. რამდენიმე დღის წინ როდესაც ,,იბერიას'' ეთერში ირმა ინაშვილის მიერ გაშიფრულ კუდის ყოფილ აგენტს ,,ნუკრის'' ანუ ელისო კილაძეს ვუთხარი სხვის შვილებს შეურაცხყოფას რომ აყენებ რატომ აკეთებ ამასთქო, მითხრა მსგავსი რამ არასდროს არ გამიკეთებიაო. წარმოდგენილ მასალაში ჩანს თუ როგორ და რა ფორმებში მოიხსენიებს ელისო კილაძე ნინო ჯღარკავას და მის შვილს. ყველა ნორმალურ ქვეყანაში მსგავსი პიროვნების მიმართ მედიის კარი სამუდამოდ დაიკეტებოდა", - წერს მჟავანაძე.