ჰაინრიჰ ბიოლის ფონდის სამხრეთ კავკასიის ბიურო და მწერალთა სახლი, დიდი გერმანელი მწერლის, ნობელის პრემიის ლაურეატის, ჰაინრიჰ ბიოლის 100 წლის იუბილის აღსანიშნავად აცხადებს ლიტერატურულ კონკურსს 15-25 წლის ახალგაზრდებისთვის.

ამ თემასთან დაკავშირებით, 5 ოქტომბერს, 13.00 საათზე, მწერალთა სახლში  გაიმართება პრესკონფერენცია. ღონისძიებას ჰაინრიხ ბიოლის ფონდის სამხრეთ კავკასიის ბიუროს ხელმძღვანელი ნინო ლეჟავა და  მწერალთა სახლის დირექტორი ნატა ლომოური გაუძღვებიან, რომლებიც საზოგადოებას კონკურსის პირობებს წარუდგენენ.

ლიტერატურულ კონკურსში მონაწილეობა შეუძლიათ საქართველოს საჯარო და კერძო სკოლების IX-XII კლასის მოსწავლეებს და სტუდენტებს.

სტუდენტებმა უნდა წარმოადგინონ ჰაინრიჰ ბიოლის რომელიმე მცირე მოთხრობის ან ნაწყვეტის (რომანიდან ან ვრცელი მოთხრობიდან) თარგმანი;

მოსწავლეებმა ჰაინრიჰ ბიოლის ნაწარმოებების  მიხედვით შეთავაზებული სამი თხზულებიდან უნდა აირჩიონ და დაწერონ ერთ-ერთი:

1.   ადამიანი ომის ნაკვალევზე -  ჰაინრიჰ ბიოლის რომანების „კლოუნის თვალთახედვა"  და „უკაცო სახლი" მიხედვით;

2.   ჰაინრიჰ ბიოლი - მწერალი და მოქალაქე;

3.   ჩემი საყვარელი ნაწარმოები ჰაინრიჰ ბიოლის შემოქმედებიდან.

საკონკურსო ესეები და თარგმანები გამოგზავნეთ მისამართზე info@writershouse.ge 

ნაშრომი უნდა იყოს აკრეფილი Microsoft word-ში ქართული უნიკოდით (შრიფტი - Sylfaen, ზომა - 12).

თხზულება არ უნდა აღემატებოდეს 6 გვერდს; ხოლო თარგმანი - 20 გვერდს.

საკონკურსო ნაშრომები მიიღება 2017 წლის 15 ოქტომბრიდან 20 ნოემბრის 18 საათამდე.

ესეებს და თარგმანებს შეაფასებს ჟიური, რომლის ვინაობა დაჯილდოებამდე კონფიდენციალური იქნება. 

გამარჯვებულ ახალგაზრდებს გადაეცემათ სიგელები და წიგნების საყიდელი ვაუჩერები.

გაიცემა შემდეგი პრემიები:

• ორი პირველი პრემია (თხზულებასა და თარგმანში) - 400 ლარიანი ვაუჩერი;
• ორი მეორე პრემია (თხზულებასა და თარგმანში) - 200 ლარიანი ვაუჩერი;
• წამახალისებელი პრემია - 100 ლარიანი ვაუჩერი.

გამარჯვებული მოსწავლეების და სტუდენტების დაჯილდოება გაიმართება მწერალთა სახლში,  21დეკემბერს, ჰაინრიჰ ბიოლის დაბადების დღეს.  

გამარჯვებული ახალგაზრდების მგზავრობას რეგიონებიდან კონკურსის ორგანიზატორები უზრუნველყოფენ.

დამატებითი  კითხვების შემთხვევაში მოგვმართეთ ტელეფონზე: 593 39 38 66 (საკონტაქტო პირი ნინო ბექიშვილი).

პროექტის მედია მხარდამჭერებიარიან mastsavlebeli.ge და არტარეა.