„ბატონო რეზო, იმ ქალაქის მერობა გინდა, რომელშიც სტალინის ძეგლი კვარცხლბეკიდან ჩამოიღეს და თავში ხელებს უბარტყუნებდი, შენ ის რეზო არ ხარ?!" - ამ სიტყვებით საერთაშორისო საზოგადოება „სტალინის" თავმჯდომარე გრიშა ონიანი გორის რაიონის მერობის კანდიდატ რეზო კახნიაშვილს მიმართავს.

„მანამდე არ აგიდგეს გვერდები, სანამ გორის მოსახლეობამ შენ ქალაქის მერად არ აგირჩიოს! სირცხვილი მათ, რომ შენ ქუჩაში სიარულის საშუალებას გაძლევენ.

იმხელა თავხედობას იჩენ, რომ ქალაქის მერობაზე კანდიდატურას აყენებ! არაუშავს,  სტალინი მოდის... მისი სახელის ფეხქვეშ გამთელავები, როგორ დახვდებით, თქვენი ოჯახებით მის დიდებას, საქართველოში მაგას ვნახავ.

შეიძლება მუქარაში ჩამითვალოთ, მაგრამ გეუბნებით, თქვენ კარგი დღე არ დაგადგებათ", - განაცხადა  გრიშა ონიანმა