„უფლებადამცველთა გაერთიანების" თავმჯდომარე ნიკოლოზ მჟავანაძე  აშშ­ის ელჩის მიმართ სოციალურ ქსელში დაწერილი კომენტარის გამო სულხან წულაძის დაკავებას ეხმიანება:

„თუ ამერიკის ელჩის შეურაცხყოფისთვის ხალხს ციხეში იჭერთ, პატრიარქის მუქარა და შეურაცხყოფისთვის ბარემ წამახალისებელი პრიზები დააწესეთ.

ვაი საცოდავო საქართველო..."

საქართველოში ამერიკის შეერთებული შტატების საელჩო სოციალური ქსელის მომხმარებლის, სულხან წულაძის დაკავებასთან დაკავშირებით განცხადებას ავრცელებს.

"აშშ­ის საელჩო აფასებს, თუ როგორი სერიოზულობით მოეკიდა საქართველოს ხელისუფლება ­ მათ შორის მთავარი პროკურორის ოფისი, სახელმწიფო დაცვის სპეციალური სამსახური, საქართველოს სახელმწიფო უშიშროების სამსახური და შინაგან საქმეთა სამინისტრო ­ ელჩ კელის წინააღმდეგ მიმართულ მუქარას. საერთაშორისო შეთანხმებებით დაცული პირის წინააღმდეგ მუქარის საქმეზე მიმდინარეობს გამოძიება. ამიტომ აშშ­ის საელჩოს დამატებითი კომენტარი გაკეთება არ შეუძლია",­ნათქვამია საელჩოს განცხადებაში.

„თბილისის ფორუმის" ერთ­ერთ მომხმარებელს, სულხან წულაძეს, ამერიკის ელჩის მისამართით ინტერნეტფორუმზე გამოქვეყნებული განცხადების გამო სასამართლომ წინასწარი პატიმრობა შეუფარდა.