დუბაიში სავარაუდოდ ქართველი ქალი მოკლეს. შიშველი ქალის ცხედარი დუბაის სასამართლოს მახლობლად, ავტობუსის გაჩერების უკან აღმოაჩინეს. Guld News-ის ცნობით, მომხდართან დაკავშირებით დაწყებულია გამოძიება.

"შიშველი ქალის ცხედარი დუბაის სასამართლოსა და პროკურატურის შენობის წინ მდებარე ავტობუსების ერთ-ერთი გაჩერების უკან იპოვეს. წინასწარი გარეგანი დათვალიერებით დადგენილია, რომ ქალი გააუპატიურეს და შემდეგ მოკლეს. თუმცა გარდაცვალების საბოლოო მიზეზს შემდგომი გამოძიება დაადგენს", - განაცხადა პროკურორმა Guld News-თან საუბრისას.

სამართალდამცველების ინფორმაციით, მოკლულის მეგობარი ქალი მძიმე მდგომარეობაში დუბაის საავადმყოფოს წინ იპოვეს. ის ალკოჰოლის ზემოქმედების ქვეშ იმყოფებოდა და ასევე ფიზიკური და სექსუალური ძალადობის მსხვერპლი გახდა.

წყარო :