დღეს, 16:00 საათზე, თბილისის ბიგ-ბენდი  ტექნიკური უნივერსიტეტის ადმინისტრაციული კორპუსის დარბაზში კონცერტს გამართავს. ღონისძიებაზე ბენდი და მისი სოლისტები ქართულ და უცხოურ ჰიტებს შეასრულებენ.

თბილისის მერიის ბიგ-ბენდი კონცერტების სერიას უნივერსიტეტებში იწყებს. კონცერტებს სპეციალურად სტუდენტებისთვის ბიგ-ბენდი მრავალი წელია ყოველწლიურად მართავს. კონცერტები აპრილსა და მაისში სხვადასხვა უნივერსიტეტში გაიმართება. ბიგ-ბენდს სამედიცინო, თავისუფალი, გურამ თავართქილაძის, ანდრია პირველწოდებულის და სხვა უნივერსიტეტები უმასპინძლებენ. წელს პირველი კონცერტი ტექნიკურ უნივერსიტეტში გაიმართება, იქ, სადაც ქართულ ჯაზს დიდი ტრადიცია აქვს.