„კახა კალაძემ საკმაოდ კარგად წარმოაჩინა თავი", - ამის შესახებ ექსპერტმა სამხედრო საკითხებში ვახტანგ მაისაიამ „რეპორტიორთან" საუბარში განაცხადა. მაისაიას თქმით, კახა კალაძე მზარდი პოლიტიკოსია, რაც იმის თქმის საფუძველს აძლევს, რომ იგი თავს გაართმევს დაკისრებულ მოვალეობას.

„მან კარგად გაართვა თავი იმ გამოწვევებს, რაც მის წინაშე იყო. სხვა პოლიტიკოსებისგან განსხვავებით, მეტი მოტივაცია, მეტი პროფესიონალიზმის გამოვლინების პოტენციალი გააჩნია. იგი გახლავთ მზარდი პოლიტიკოსი და მენეჯერი. თბილისის მერს უნდა გააჩნდეს კარგი მენეჯერული თვისებები, რაც ნამდვილად აქვს კახა კალაძეს. იმედია, რომ ის პრობლემები, რაც დღეს თბილისს აქვს, გადაჭრილი იქნება, ვგულისხმობ საცობებს, ეკოლოგიურ პრობლემებსა და ა.შ. მე ამის იმედი მაქვს", - განაცხადა ვახტანგ მაისაიამ.