„კახა კალაძე ისეთი მერი იქნება, როგორიც არასდროს ჰყოლია თბილისს", - ამის შესახებ საპარლამენტო უმრავლესობის წევრმა კარლო კოპალიანმა „რეპორტიორთან" საუბრისას განაცხადა. კოპალიანის თქმით, კახა კალაძე არის ადამიანი, რომელიც დღეს თბილისს ნამდვილად სჭირდება.

„კახა კალაძეს ყველანაირი მონაცემი აქვს, რომ კარგი მერი იყოს. პირველ რიგში ის არის ძალიან შრომისმოყვარე. მას აქვს უდიდესი პასუხისმგებლობის გრძნობა. ამას ამტკიცებს მისი ცხოვრება, მისი კარიერა. იგი მსოფლიოში ერთ-ერთი წარმატებული სპორტსმენი იყო, თავისი შრომისმოყვარეობიდან გამომდინარე. ზუსტად ასეთი კაცი სჭირდება დღეს თბილისს. სახალხო კაცია კალაძე. ხალხს ის უყვარს, საზოგადოებაში მიღებული პიროვნებაა. კახა კალაძე დღე და ღამე იშრომებს, რომ ჩვენი დედაქალაქი უფრო კარგი გახდეს", - განაცხადა კარლო კოპალიანმა.