ლევან ჭუბაბრია რამაზ გიორგობიანის 70 წლის იუბილესთან დაკავშირებით სოციალურ ქსელში მსახიობისა და რეჟისორის შესახებ ერთ ისტორიას იხსენებს:

„დღეს 70 წლის გახდებოდა რამაზ გიორგობიანი.

49 წლის ასაკში გარდაიცვალა.

სულ მეცინება, ეს ამბავი რომ მახსენდება -

სახელმწიფო პრემია მიიღო. მეც იმ დღეებში მივლინებიდან ინდოეთიდან მოსკოვში ჩავედი. გავიგე, რომ სასტუმრო „მოსკვაში" ცხოვრობდა.

მივედი სასტუმროში, ავედი ნომერში და რას ვხედავ!

ლენინის ბრინჯაოს ბიუსტები „მატრიოშკებივით" დაუწყვია და ამაყად მკითხა - მოგწონსო?

გადაირიე, რამაზ, რა ჯანდაბად გინდოდა ამდენი ბიუსტი? -ვკითხე.

იმაზე მაგარი რა უნდა იყოს, როდესაც სასტუმრო „მოსკვას" მაღაზიაში შეხვალ და ეტყვი - Заверните мне Ленина!

ამიტყდა სიცილი. თუმცა მისი მეუღლე - ნუნუკა ქიქოძე, ეჩხუბებოდა, ამდენი ფული მაგ ნაგავში რამ დაგახარჯინაო?

ღმერთმა ნათელში ამყოფოს შენი სული, თბილო და საყვარელო ადამიანო!" - წერს ლევან ჭიბაბრია.