ტეხასის შტატის ქალაქ ოსტინში ჰელოუინის დღესასწაულზე სანტა-კლაუსის ფორმაში გამოწყობილმა მამაკაცმა სტუმრებს ცეცხლი გაუხსნა.

შემთხვევის შედეგად, სამი ადამიანი დაშავდა. ორი მათგანი კრიტიკულად მძიმე მდგომარეობაშია, მესამე დაშავებულის ჯანმრთელობის მდგომარეობას მედიკოსები მძიმედ აფასებენ, თუმცა მის სიცოცხლეს საფრთხე აღარ ემუქრება.

თავდამსხმელი პოლიციამ ადგილზე დააკავა. გავრცელებული ინფორმაციით, ის დაზარალებულებს იცნობდა, თუმცა თავდასხმის მოტივი ამ ეტაპზე უცნობია.