1-ელი ნოემბრიდან ქვეყნის მასშტაბით ე.წ. ჭკვიანი კამერები ჩაირთვება.

ახალი ვიდეოანალიტიკური პროგრამა აფიქსირებს:

მოძრაობის საწინააღმდეგო მიმართულებით გადაადგილებას;

შუქნიშნის წითელ ფერზე გავლას;

ორმაგი ღერძულა ხაზის გადაკვეთას;

სიჩქარის გადაჭარბებას;

მუნიციპალური ტრანსპორტის ზოლში მოძრაობას;

პროგრამა, ამ დარღვევების დაფიქსირების შემთხვევაში, ჯარიმას ავტომატურად გამოწერს.

აღსანიშნავია, რომ აღნიშნული ჯარიმა მართვის მოწმობის ქულებზე არ იმოქმედებს.

წელს მთელი ქვეყნის მასშტაბით, 3000-მდე ე.წ. ჭკვიანი კამერის დამონტაჟება იგეგმება.

გარდა ამისა,ხვალიდან ამოქმედდება ჯარიმების გადახდის ახალი სისტემაც.

კერძოდ, შსს-ს ინფორმაციით, ყველა დაჯარიმებულ მოქალაქეს ეძლევა ე.წ. საშეღავათო პერიოდი, რომლის ფარგლებშიც ჯარიმებზე ფასდაკლება მოქმედებს.

თუ პირი დაკისრებულ ჯარიმას შესაბამისი სმს-შეტყობინების მიღებიდან 10 კალენდარული დღის განმავლობაში გადაიხდის, მისი ოდენობა 20%-ით შეუმცირდება.