ივანე ჯავახიშვილის სახელობის თბილისის სახელმწიფო უნივერსიტეტის მე-6 კორპუსი ამ დრომდე ბლოკირებულია. შესასვლელი კარები აუდიტორია 115-ის წევრებმა  ავეჯით გადაკეტეს.

მთელი ღამის განმავლობაში 50 სტუდენტი ადგილზე იმყოფებოდა. შენობის აივანზე კი გამოფენილია ბანერი წარწერით "ავტონომია უნივერსიტეტს."

სტუდენტები დაშლას არ აპირებენ და მათი მოთხოვნები უცვლელი რჩება. ისინი ითხოვენ პრემიერ-მინისტრთან შეხვედრას, ოდეერების საკითხის შესწავლას, თვითმმართველობის გაუქმებას.