„მეგის ქარდავას პირადად ვიცნობ", - ამის შესახებ თავდაცვის ყოფილმა მინისტრმა დიმიტრი შაშკინმა „tvპირველის" ეთერში განაცხადა. შაშკინი ამბობს, რომ მეგის ქარდავას, გაცნობიდან 2 თვეში, თანამდებობის დატოვება სთხოვა.

„მეგის ქარდავა გავიცანი ივლისში, როდესაც გავხდი თავდაცვის მინისტრი. სექტემბერში ჩემი თხოვნით, მან დატოვა სამხედრო პოლიციის უფროსის თანამდებობა და გადავიდა კადრების განკარგულებაში. მნიშვნელოვანია, რომ თავდაცვის მინისტრს ჰქონდეს სრული ნდობა სამხედრო პოლიციის უფროსის, ჩემთვის მეგის ქარდავა ასეთი ნდობით აღჭურვილი პირი არ იყო", - განაცხადა შაშკინმა.