„მე სააკაშვილის ხილვა ძალიან გამიხარდებოდა კუკიის სასაფლაოზე, სულ ბოლოში, ზემოთ", - ამის შესახებ არასამთავრობო ორგანიზაციის „გადაარჩინე სიცოცხლე" დამფუძნებელმა ჯამბულ გამცემლიძემ „რეპორტიორთან" საუბარში განაცხადა.

„მე მაგის ყოფნა არც პოლიტიკაში მინდა, არც არსად. მინდა, ეგ იყოს კუკიის სასაფლაოზე, სულ ბოლოში, იმიტომ რომ მან იმდენი ხალხი გაუშვა იმქვეყნად, რომ თბილისის სასაფლაოზე ადგილი მისთვის არ იქნება. ცოცხლებში ნაღდად არ მინდა იყოს, იმიტომ, რომ, ჩემი შვილი მაგაზე ნაკლები არაფრით იყო, რომ გაისტუმრა ამქვეყნიდან. არც ჩემი შვილი და არც ის 150-ზე მეტი ახალგაზრდა, რომლებიც ასე ბეღურებივით დახოცეს ქუჩაში", - აცხადებს ჯამბულ გამცემლიძე.