ბოლნისის მუნიციპალიტეტის სოფელ დარბაზთან, მთის ფერდობზე გაჩენილი ხანძარი ჩამქრალია.

ხანძრის ქრობის პროცესში დღის განმავლობაში შსს-ს 60-მდე მეხანძრე-მაშველი იყო ჩართული. ხანძარი გუშინ გაჩნდა, თუმცა ტყის მასიურ საფარზე ცეცხლი არ გავრცელებულა. დაიწვა მხოლოდ ხმელი ფოთოლი და ბალახი.

შსს-ს საგანგებო სიტუაციების მართვის სააგენტოს ინფორმაციით, მეხანძრე-მაშველები ამ დროისათვის, მონიტორინგის მიზნით ადგილზე რჩებიან.