„რა დაჟინებული მზერა, რის დაჟინებული მიშტერება, ბარემ სუნთქვა აუკრძალონ ადამიანებს", - წერს სოციალურ ქსელში საქართველოს პარლამენტის ვიცე-სპიკერი ირმა ინაშვილი და შემდეგი სახის პოსტს აქვეყნებს:

„სამყარო მართლა შეიშალა. ეს ფაქტია! მაგრამ ჩვენ რომ ყველაფერ ნეგატიურს და იდიოტურს ვებღაუჭებით, ესაა ტრაგედია. ამ „შეშლილ სამყაროს" მეცნიერებატევადი ტექნოლოგიების პროგრესში მივბაძოთ, მაინცდამაინც „დაჟინებული მზერის შესახებ კანონის" და ამ მარაზმატიკული იდეების იმპორტიორები რომ ვხდებით?

დაგვანებეთ თავი, ვისაც არც გვაჟრიალებს და არც „დაჟინებული მიშტერება" მიგვაჩნია სისხლის სამართლის დანაშაულად, რა გაგვიხურეთ საქმე?!" - წერს ირმა ინაშვილი.