საქართველოს ეროვნული საფეხბურთო ნაკრების მთავარი მწვრთნელი მომდევნო ორი წლის განმავლობაში კვლავ ვლადიმირ ვაისი იქნება.

„გადავწყვიტე და შევთანხმდით, რომ კიდევ ორი წელი ვიმუშავებ საქართველოს ნაკრებში",- განაცხადა ვაისმა.

ვაისს წინა კონტრაქტი ოქტომბერში, მსოფლიო ჩემპიონატის შესარჩევი ეტაპის დასრულების შემდეგ ამოეწურა.

სფფ-ს წარმომადგენლების განცხადებით, ახალ კონტრაქტთან დაკავშირებით დეტალებზე მოგვიანებით, ფედერაციის მხრიდან გაკეთდება განმარტება.